برنامج كاشير ومتجر إلكتروني · لبنان كاشير بيفهم السوق اللبناني.

لأ. بيشتغل بسوبرماركت وميني ماركت، ملحمة، فرن ومخبز، صيدلية، محل موبايلات وإلكترونيات، مكتبة، قطع سيارات، محل حيوانات، ومحلات عامة — بالإضافة للمطاعم والمقاهي. الأقسام يلي ما بتلزمك بتضل مطفية، فالصيدلية ما بتشوف وضع الطاولات والمطعم ما بيشوف بطاقات الرفوف.

14 يوم، بلا بطاقة ائتمان. بتاخد الكاشير كامل، متل الاشتراك المدفوع بالزبط، مش نسخة مصغّرة. الإضافات المدفوعة (المتجر الإلكتروني، قائمة QR، صندوق إضافي) بتنشغّل كل وحدة لحالها. وإذا ما ناسب محلّك، بتعرف قبل ما تخلص التجربة.

إي — عربي وإنكليزي، على شاشة الكاشير وتطبيق صاحب المحل والفاتورة المطبوعة. كل كاشير بيختار لغتو، فالكاشير يلي بيشتغل بالعربي والمدير يلي بيشتغل بالإنكليزي بيتشاركوا نفس الجهاز. وقائمة الزبون والمتجر الإلكتروني كمان بالفرنسي. والمساعد المدمج بيجاوب بالعربي اللبناني، حتى بالصوت.

إي. كل صندوق إلو درجو وورديتو وتقرير الإقفال (Z) تبعو، وما بيتشاركوا الرصيد — فإذا في نقص بيكون على صندوق واحد مش على المحل كلّو. كل جهاز بيختار صندوقو من الإعدادات.

في مساعد مدمج بالبرنامج. بيسألوه — كتابة أو بالصوت، بالعربي اللبناني أو بالإنكليزي — وبيمشّيهن خطوة خطوة، وبيسمّيلهن الزر بالزبط يلي عشاشتهن. وإذا ما عرف يجاوب، بكبسة وحدة بيوصلنا السؤال مع كل المحادثة.

لأ. الكاشير بيشتغل على كمبيوتر أو لابتوب ويندوز عندك: ويندوز 10 و11 (64 بت) بياخدوا الإصدار الأساسي، وويندوز 7 و8 و8.1 وأي ويندوز 32 بت بياخدوا إصدار Legacy. تطبيق صاحب المحل بيشتغل على آيفون أو أندرويد، تابلت الغرسون بيشتغل من متصفّح التابلت، وقائمة الزبون والمتجر الإلكتروني بيفتحوا على أي جهاز. ما في كاشير على ماك أو آيباد أو أندرويد. منصح بطابعة فواتير حرارية، بس مش شرط.

بتكمّل بيع. المبيعات والمرتجعات وحركات الصندوق والطاولات وتقرير X بيشتغلوا عالكاشير بلا إنترنت، وبيتزامنوا أول ما يرجع الخط بنفس الوقت وسعر الصرف. وفيك تسكّر الوردية كمان، وتقرير Z بيضل مؤقّت لحتى يتزامن الإغلاق. التقارير وأرقام الكاشيرات التانية وحفظ التعديلات بالإدارة والإعدادات بدّهن إنترنت. وبعد أول زيارة، قائمة الزبون بتنحفظ على موبايل الزبون. النظام مبني على أساس واقع الإنترنت بلبنان.

إي. كاش، بطاقة، Whish، OMT، رصيد الزبون، أو مقسومة بيناتهن. كل طريقة دفع بتظبطها متل ما بدك. البرنامج بيسجّل كل دفعة عالفاتورة، والمصاري بتمشي عبر ماكينة البطاقات أو المحفظة تبعك. وما منّاخد نسبة من ولا وحدة فيهن.